Buhay Campo Sampaguita

Dear Anak,

Naipadala ko na 50 thousand pesos na tuition fee mo, pinagbili na namin mga kalabaw natin. Ang mahal pala ng kursong COUNTER STRIKE. Wala na din pala tayong baboy, naibenta na din para dun sa sinasabi mo na project nyo na NOKIA N95. Ang mahal naman ng project nayun. Kasama din ang 7 thousand dun para sa field trip nyo sa MALL OF ASIA. Anak malayo ba yun? Mag ingat ka sa pagbibiyahe mo. Isasanla pala namin ang palayan natin para mabili mo na yung instrumentong I-POD na kinakailangan mo sa laboratory nyo.

Anak, komportable kaba dyan sa boarding house mo san ba kamu yan sa VICTORIA COURT? Maganda ba dyan, di ba mainit dyan? Anak kamusta na pala yung group project nyo na SANMIG LIGHT? Napailaw nyo na ba? Mataas ba nakuha nyo na grado dun?

Anak sana bago pa maubos ang lahat-lahat ng arian natin ay maka gradweyt kana. Walong taon ba talaga ang kurso mo sa SECRETARIAL? Sana pag-gradweyt mo makakuha ka ng trabaho kaagad kagaya ng manager ng kumpanya para mabawi natin ang mga ari-arian natin sa sanglaan.

Ay siyanga pala anak, diba sabi mo sa JOLLIBEE/MAK DONALD ka palagi kumakain? Ok ba naman sayo ang mga ulam dyan? Baka hindi masarap kawawa ka naman. Eh, yung school bus nyo na TAXI, sabihin mo sa driver mag ingat siya sa pagdri-drive.

Anak hanggang dito nalang at sa susunod ay ipapadala ko sayo ang pera na pambili mo ng ALTIS na gagamitin mo sa VACANT SUBJECT mo.

Ang nagmamahal,
Itang at Inang

P.S.
Anak mag-aral ka ng mabuti...ipinagmamalaki kita dito sa aten...

 

Si Maria at ang “Balikbayan Box”

Registered nurse si Maria sa States. Kasama nya ang kanayang ina na nagpagamot doon. Namatay ang ina nito. Dahil sa kamahalan ng pamasahe pabalik sa Pilipinas, nagtipid si Maria. Pinauwi na lang nya ang kabaong ng kanyang ina na mag-isa.

Pagdating ng kabaong, napansin ng mga kapamilya nya na dikit ang mukha sa salamin ng ataul. Nagkomento tuloy ang isang anak, “Ay, naku! Tingnan mo yan…. Hindi sila marunong mag-ayos ng bangkay sa Amerika” Upang ayusin ang itsura ng bangkay, binuksan ang kabaong. Aba! May sulat sa dibdib ng ina. Kinuha nila ito at binasa.

Ang nilalaman ng liham na mula kay Maria:

“Mahal kong tatay at mga kapatid:

Pasencya na kayo at hindi ko nasamahan ang nanay sa pag-uwi nya sa Pilipinas dahil napakamahal ng pamasahe. “Ang gastos ko pa lang sa kanya ay mahigit na $1,000 na. Ayoko nang isipin pa ang eksaktong halaga. “Anyway, ipinadala ko kasama ni nana yang mga sumusunod…..

Nasa likod ni nana ang dalawampu’t apat na karnenorte.

Ang adidas na suot ni nanay ay para kay tatay.

Ang limang pares na de goma ay nasa loob ng dalawang asul na jansport na backpack na inuunan ni nanay. Tig-iisa kayo.

Ang ibat-ibang klase ng tsokolate at candy ay nasa puetan ni nanay. Para sa mga bata ito. Bahala kayong magparte-parte. Sana’y hindi matunaw ang mga ito.

Ang pokemon stuffed toy na yapos-yapos ni nanay ay para sa bunso ni ate. Gift ko sa first birthday ng bata.

Ang itim na Esprit bag ay para kay Nene, ate, nasa loob ng bag ang pictures ni Inay, Japanese version ng pokemon trading cards at stickers.

Suot ni nana yang tatlong Ralph Lauren, apat na Gap at dalawang Old Navy T-shirts. Ang isa ay para kay Kuya at tig-iisa ang mga pamangkin ko. Maisusuot ninyo ang mga iyan sa fiesta.

Suot din ni inay ang anim na panty hose at tatlong warmer para sa mga dalaga kong pamangkin. Isuot nyo sa party.

May isang dosenang NBA caps sa may paanan ni nanay. Para sa inyo itay, kuya, dikong, Tiyo Romy. Bigyan nyo na din ng tig-isa yung mga pamangkin ko at yong isa ay kay pareng Tuluma.

Ang tigdadalawang pares na Nike wristband at knee caps na suot-suot din ni nanay ay para sa mga anak mo diko, na nagbabasketball.

Tagdadalawang ream ng Marlboro green at Winston lights ang nasa pagitan ng mga hita ni nanay.

Apat na jar ng Skippy Peanut Butter, dalawang dishwashing liquid, isang Kiwi glass cleaner at tig-anim na Colgate at Aqua Fresh ang nakasiksik sa kilikili ni nanay. Huwag mag-agawan.
Isang dosenang Wonder bra na gustung-gusto ni Tiya Iska, suot-suot din ni nanay. Alam kong inaasam-asam nyo ‘yan, tiya. Ang Rolex na bilin-bilin mo tatay, suot-suot ni nanay, kunin mo agad, tatay.

Ang hikaw, singsing at kwentas (na may nakakabit pang anim na nail cutters) na gustung-gusto mo ditse, ay suot-suot din ni nanay. Kunin mo na din agad ditse.
Isang Ray Ban ladies sunglass na pa birthday k okay Ninang Berta, hindi ko ba pinasuot kay nanay. Isiniksik ko na lang sa may banding ulunan ni nanay. Nasa pink na plastic na maliit.

Mga Channel at Champion na medias, suot-suot din ni nanay. Tig-iisa kayo mga pamangkin ko. “Mga pampers, panty liners, cotton buds, table napkins at mga scotch brite na may foam ay natatakpan ng mga putting bath towels… yon bale ang pinangkutson ko sa kabaong ni nanay. Marami-rami na yon. Parte-parte din kayo.

Marami pa akong ipinagsisiksik kung san-saang parte gaya ng café, coffee creamer, isang Vienna sausage na de lata, Barbie dolls, toothbrush, paper cups, plastic spoon and fork, paper at styro foam plates, perfume, cologne, ballpens, sationaries, envelopes, bar soaps, match box toys, used t-shirts, hand towels, CD. VHS tapes, padlock, tools gaya ng screw driver, plais, long nose, atbp. Na hindi ko na na-itemize dahil nagmamadali ako. “Marami pa sana akong ipalalagay kaya lang baka mag-excess at si nanay pa ang maiwan.

Basta parte-parte kayo, tatay, kuya, ate, dikong, ditse. Para sa inyo lahat ito. Bahala na kayo kay nanay. Pamimisahan ko na lang siya rito. Balitaan ninyo na lang ako pagkatapos ng libing.

Paki-double check ang lista kong walang nawala sa mga ipinadala ko.

Nagmamahal,

Maria

P.S. Pakibihisan ninyo agad si nanay”

 

 
 

 

 

Esp, Inc Sponsors Prison Story Writing Contest

Contest was held last Oct. 26, 2007
At Medium Security Compound Camp Sampaguita, Muntinlupa City.